Moderatori i emisionit investigativ “Stop” ka paditur penalisht aktoren Egla Ceno, aktualisht banore e Big Brother Vip Albania 3.
Ai është shprehur se nuk e njeh dhe nuk e ka takuar kurrë në jetën e tij aktoren Egla Ceno.
Aktorja pak ditë më parë, gjatë një rrëfimi me banorët hodhi akuza se Saimir Kodra e kishte ngacmuar seksualisht.
Këto akuza janë hedhur poshtë nga moderatori Saimir Kodra, i cili ka marrë masa ligjore ndaj aktores.
“Shihemi në gjyq. Nuk e njoh, nuk e kam takuar kurrë në jetën time”, ka thënë Kodra.
Ceno: “Unë marr përgjegjësi për gjërat që them. Mirë se të vijë gjykata.
Unë sigurisht nuk kam prova materiale sepse ka ndodhur para 25 vitesh, shkova të kërkoja punë, jo të regjistroja e të vija në kurth zotin Saimir.
Por mund të bëj diçka tjetër të cilën do e mendoj mirë para se ta them”, u shpreh Egla.